Îdareyo newe yê Şaredarîya Amedî ya Şaristanê Girdî 7 tesîsanê ke qeyyûman ra girewtî, tede zêdexercî vindarna û bi ameyeyê xo yê %24î teqrîben yew mîlyon zede qezenc kerd.

DBB, zêdexercîya demê qeyyûmî vindarna û 3 aşm û nêmî de tayê qaleman de ameyeyê xo %24 zêde kerd. Serekîya Daîreya Xurtkerdişê Çimeyan û Pardarîyan, Borsaya Heywananê Ganîyan, Tesîsê Termînalê Mabênê Şaristanan ê Amedî (DÎŞTÎ), Otogarê Qeza yê Rojawanî, Otogarê Qeza yê Rojhelatî, Otogarê Qezaya Bismilî, Selexaneyê Bismil û Farqînî de ameyeyê xo yê demê qeyyûmî yê 15ê Nîsane-31ê Temmuze 2023î û badê Weçînayîşê Rayberîya Herêmkî yê 31ê Adare îdareyê neweyî dest bi karî kerd, ameyeyê înan ê mabênê 15ê Nîsane-31ê Temmuze 2024î (3 aşm û nêm) muqayese kerd.

Bi encamê vurîyayîşan, ameyeyê Borsaya Heywananê Ganîyan ke demê qeyyûmî de 475 hezar 193 TL bî, îdareyê neweyî kerd 971 hezar 622 TL; ameyeyê Otogarê Qezay yê Rojawanî 538 hezar 976 TL’yî ra kerd 612 hezar 786 TL; ameyeyê gîşeyê otobusanê Tesîsê Termînalê Mabênê Şaristanan ê Amedî (DÎŞTÎ) 1 mîlyon 969 hezar 822 TL’yî ra kerd 2 mîlyon 112 hezar 164 TL; ameyeyê gîşeyê erebeyanê şexsîyan ê DÎŞTÎ’yî 194 hezar 238 TL’yî ra kerd 249 hezar 156 TL; ameyeyê Otogarê Qezaya Bismilî 153 hezar 774 TL’yî ra kerd 167 hezar 240 TL; ameyeyê Otogarê Qezaya Rojhelatî 74 hezar 747 TL’yî ra kerd 81 hezar 994 TL, ameyeyê Selexaneyê Bismil û Farqînî 33 hezar 480 TL^yî ra kerd 55 hezar 080 TL. Ameyeyê tesîsan ke demê qeyyûmî de pêro pîya 3 mîlyon 440 hezar 232 TL bî, 3 aşm û nêmî de 809 hezar 813 TL zêde bî û vejîya 4 mîlyon 250 hezar 45 TL’yî.

'Tesîrê vurîyayîşê îdareyî bî'

Serekê Daîreya Xurtkerdişê Çimeyan û Pardarîyan Mehdî Gumuşî derheqê zêdebîyayîşê ameyeyî de qisey kerd û va ke badê tayînkerdişê 15ê Nîsane înan tayê vurîyayîşî kerdî û dest bi xebatan kerdo. 

Gumuşî dîyar kerd ke zêdebîyayîşê ameyeyê tesîsan de tesîrê vurîyayîşê îdareyî bîyo û qeyd kerd ke mabênê 15ê Nîsane-31ê Temmuze 2024î de 4 mîlyon 250 hezar lîra ameyo arêdayene. Gumuşî va ke goreyê eynî aşmanê serra verêne vurîyayîşê tarîfe çin o la 800 hezar lîra zêdebîyayîş bîyo.

'Ma database virazenê'

Serekê Daîre Gumuşî va: " Vurîyayîşan reyde, doneyanê ma de zêdebîyayîşî bîyî. Zêdebîyayîşî roje bi roje hetê embazanê ma ra yenê şawitene û ma nê daneyan ca de teqîb kenê. Seba ke ma bizanê gelo kêmîbîyayîş yan zî zêdebîyayîş est o yan çin o, ma database virazenê."

'Ameye seba xîzmetê şarî ame şuxulnayene'

Gumuşî îfade kerd ke ameyeyê zêdeyo Serekîya Daîreya Xurtkerdişê Çimeyan û Pardarîyan ameyo butçeyê şaredarîye ser o û seba xîzmetê şarî reyna ameyo şuxulnayene.