Mudirîya Pêroyî ya DÎSKÎ yê Şaredarîya Amedî ya Şaristanê Girdî, çarçewaya projeyan de ke dewan de kenê, xebatê binawanî yê Keyeyê Komkî yê Demetî yê Qezaya Çêrmûge qedênayî.

Mudirîya Pêroyî ya DÎSKÎyê Amedî, seba ke hewcedarîya binawanî yê merkezê bajarî, qezayan û dewan temîn biko, xebatanê xo dewam kena.

Ekîbanê DÎSKÎ, seba ke awa lêmine bi hawayêko weş kom bibo û bi hawayêko ke zerar nêdo derûdorî, bêro tahlîyekerdene, Keyeyê Komkî yê Demetî yê Dewa Tepeyî ya girêdayeya Qezaya Çêrmûge de ke şebekeyê kanalîzasyonî çin bî, xebatê viraştişê kanalîzasyonî qedênayî.

Ma goreyê hewcedarîyan sîstemê binawanî yê modernî virazenê

Mudirê Pêroyî yê DÎSKÎ Mehmet Şerîfogluyî îfade kerd ke seba ke ê şarî rê xîzmetêko başêr bikê, merkezê bajarî û dewan de xebatan kenê. 

Şerîfogluyî wina va: "Ma goreyê hewcedarîyanê merkezê bajarî, qezay û dewan sîstemêko binawanî yo modern virazenê û seba ke ma awa şimitişî ya qîmkerdîye, bibereket û bêvindertene bidê keyeyan, ma xebatê binawanî bêmabên dewam kenê."