Şewato ke qezaya Kayapinarî de Sîteya Senayî ya 3. de vejîya, bi mudaxeleyê ekîbanê Îtfaîye ame peysnayene.

Merkezê qezaya Kayapinarî de Sîteya Senayî ya 3. de Blokê 3. de yew cayê karî yo ke parçeyê cagirê otomobîlan rotêne, tede şewatêk vejîya ke sebebê ey  hema nêzanîyeno. Senî ke xeber ame dayene, ekîbê Îtfaîye şîyî cayê şewatî.

Xebatanê peysnayîşî de ke 10 wasitayî û 45 personelê ke girêdayeyê Serekîya Daîreya Îtfaîye yê beşdar bîyî, tankerê awe yê Mudirîya Pêroyî ya Îdareyê Awe û Kanalîzasyonê Amedî (DÎSKÎ) û Serekîya Daîreya Park û Baxçeyan zî hetkarî kerd.

Adir ame peysnayene

Ekîbê Îtfaîye ke Hetkarê Sekreterîyaya Pêroyî yê Şaredarîya Amedî ya Şaristanê Girdî Reşat Bakanî koordîne kerdêne, şewato ke saete 08:30î de dest pêkerdbî û sebebê vejîyayîşê ey nêameybî tesbîtkerdene, demêko kilm de girewt binê kontrolî.

2 îtfaîyekar birîndar bîyî

Xebatanê peysnayîşî de 4 îtfaîyekarê ke dûyî ra zerar dîbî, ekîbanê 112 Weşîya Acîlî yê ke şawîyaybî cayê şewatî, ambulansan de mudaxele înan.