Şaredarîya Amedî ya Şaristanê Girdî, seba ke tutan hamnanî de sporî reyde bîyaro têhet û qabilîyetê înanê fîzîkî, sosyalî û zîhnî rê destek bido, 8 beşan de Mektebê Sporî yê Hamnanî organîze kerdî. Nê mekteban de 2 hezar û 750 tutî qabîlîyetanê xo xurt kenê.

Serekîya Daîreya Xizmetê Ciwan û Sporî, seba ke tutan rê hişmendîya sporî bido û tutî aşmanê hamnanî de wextê xo bi hawayêko weş vîyarnê, Mektebê Sporî yê Hamnanî organîze kerdî. Nê mektebanê 8 beşanê cîya-cîyan de bi beşdarîya 2 hezar û 750 tutan ke emrê înan 7î ra heta 14î yo, dewam kenê. Kursî ke heta 13ê Êlule dewam kenê, Cayê Ciwîyayîşê Hemparî yê SumerParkî de yenê dayene.

Tutî ke imkanê spor û keyfî bi rehberîya perwerdekardanê profesyonelan vînenê, hem wext vîyarnenê hem zî hetê fîzîk û zîhnî ra benê pîl.

Kursan de 8 beşanê cîya-cîyan de sey Futbol, Basketbol, Voleybol, Tenîsê Masa, Tenîsê Kortî, Kîck-Boks, Jîmnastîk, Sporê serê sibayî, Kayê Aqil-Zekayî perwerde û aktivîteyî yenê kerdene, tutî hem keyf kenê hem zî imkanê sosyalbîyayîşî vînenê.

'Ez wextêko weş vîyarnena'

Elîfnur Aksucu ke beşdara Kursê Basketbolî yê Mektebê Sporî yê Hamnanî ya, va ke a tîya de zaf weş wext vîyarnena û wina dewam kerde: "Verê ez Şaredarîya Amedî ya Şaristanê Girdî rê zaf sipas kena. Ez Kursê Basketbolî de qeyd bîya. Ez hem spor kena hem zî wextêko weş vîyarnena."

Kursîyer Tuba Melek Barane va ke kurs faydeyîn o û wina îfade kerde: "Ez beşdarê Kursê Aqil û Zekayî bîya. Ma tîya de Kişike, Mangala, Reversî kay kenê. Ez embazanê xo reyde zaf keyf kena û ma turnuvayan zî virazenê. Ma Şaredarîya Şaristanê Girdî rê sipas kenê ke no îmkan dayo ma."

'Ez tîya de zaf keyweş a'

Fatoşe Ayaz ke beşdara Kursê Tekvandoyî ya, wina qisey kerd: "Ez tîya de zaf keyweş a. Ez xo xurt kena. Ez şêna xo her tehlukeyo ke vejîyo mi ver, xo ey ra bipawî."

'Ez wazena ke ez biba futbolîstêko baş'

Kursîyerê Futbolî Arda Unalî zî qisey kerd û va ke bi saya nê kursî ey eşkîyayo qabîlîyetanê xo xurt bikero. Unalî wina va: "Ez zaf keyweş a ke ez beşdarê kursê futbolî bîya. Tîya de mamosteyê ma ma perwerde kenê. Ez wazena ke ez biba futbolîstêko baş. Ez wazena ke ez bêra cayanê weşan. Ez ke ameya tîya, zaf embazê min ê neweyî bîyî. Dormeyê mi zaf hîra bi. Ez Şaredarîya ma rê zaf sipas kena ke no ca ma rê akerdo."

'Ez wazena ke ez biba profesyonel'

Kursîyerê Futbolî Enes Yildizî zî wina va: "Ez zaf keyweş a ke ez ameya tîya. Ez embazanê xo reyde zaf weş vîyarnena. Ez qabîlîyetê xo xurt kena. Mamosteyê ma ma perwerde kenê. Ez wazena ke ez biba profesyonel."