Mudirîya Pêroyî ya DÎSKÎ yê Şaredarîya Amedî ya Şaristanê Girdî, Keyeyê Komkî yê Stadyumî yê Taxa Bagurî ya Qezaya Erxenî rê, goreyê zêdebîyayîşê nufusî û planê îmarî, hezar metre xetê awa şimitişî yê îlaweyî viraştî.

Mudirîya Pêroyî ya DÎSKÎ yê Amedî, seba ke merkezê bajar, qeza û taxanê dewan de sîstemêko binawanî yo modern awan bikero û awa şimitişî ya kalîteyine temîn bikero, xebatanê xo dewam kena.

Ekîban, Keyeyê Komkî yê Stadyumî yê Taxa Bagurî ya Qezaya Erxenî rê, goreyê zêdebîyayîşê nufusî û planê îmarî, 1000 metre xetê awa şimitişî rona. Bi saya nê xebatan, problemê awa şimitişî û şuxulnayîşî ke beno ke vejîyê meydan, vernîya ey ameye girewtene.

Çarçewaya xebate de, tena 1000 metre xetê awa şimitişî, 250 metre girêdayîşê aboneyan û 30 girêdayîşê aboneyan ê keyeyî zî ameyî kerdene.

'Xebatê ma dewam kenê'

Mudirê Pêroyî yê DÎSKÎ Mehmet Şerîfogluyî va ke seba ke awa şimitişî ke çimeyê cuye yo bingeyîn o, ê bêmabên û bi hawayêko weş awe resnenê noqtayanê tewr dûrî yê bajarî, xebatê viraştişî û xurtkerdişê binawanî dewam kenê.