Şaredarîya Amedî ya Şaristanê Girdî, seba ke rayîrê qezayan bibê hîna bikonfor û rehet, xebatanê xo yê viraştişê rayîran de merkezê Qezaya Pîranî de rayîrêko 1750 metreyî asfalt kerd.

Serekîya Daîreya Koordînasyonê Pawitîşê Rayîr û Binawanîyan, qezayan de xebatanê viraştiş, pawitîş û tamîrkerdişê rayîran dewam kena.

Ekîbê ke taxan de rayîranê xirabinan û rayîranê ke rehetîya ramitişî xirabin kenê, tede xebatanê newekerdiş û pînekerdişî kenê, Qezaya Pîranî de Cadeyê Xanê Verênî de ke 1600 metre derg o, 900 metreyê ey de xebatê Pmt û Bînderî qedênayî. 700 metreyê rayîrî ke mendo, tede xebatanê binawanî û tamîrkerdişî yenê kerdene.

Ekîban ke xebatê Pmt û Bînderî yê rayîrê Kuçeyo 3. yê Taxa Baglarî de ke 850 metre derg o, qedênayî, merkezê qeza de rayîrê ke xebatanê gazê tebîî de û xebatanê binawanî de xirabin bîbî, ameyî newekerde.

Xebatî Pîran de dewam kenê

Rayîrê Gêlî yê verênî de ke 1800 metre derg o, xebata Pmt’ya ey qedîyaya la xebata Bînderî dewam kena.

Xebatê amadekarîya Bînderî yê Cadeyê Amedî de ke 500 metre derg o û rayîrê Sarsî yê Taxa 15 Temmuzî de ke 600 metre derg o, dewam kenê.

Rayîranê Qezaya Pîranî de pêro pîya 19 hezar ton Pmt û 8 hezar 500 ton Bînder (BSK) û 2 hezar 500 metrekare xebata peyerayîran do bêro kerdene.