Mudirîya Pêroyî ya DÎSKÎ yê Şaredarîya Amedî ya Şaristanê Girdî, izxarayê xetê awa varanî yê Cadeyê Sakarya ke cayanê bazarî yê tewr qelebalixan ra yo, tede pakkerdişêko hîra kerd.

Mudirîya Pêroyî ya DÎSKÎ, bajar de xebatanê pakkerdişê xetanê kanalîzasyon û awa varanî dewam kena.

Ekîbanê DÎSKÎ, seba ke vernîya xetimîyayîşê awa varanî bêro girewtene, xetê awe yê Cadeyê Sakarya yê Baglarî de xebata pakkerdişî ya hîra kerd. 

Xetê awa varanî yo 1200 metreyî ame pakkerdiş

Xebate de ke ekîbê DÎSKÎ û erebeya vîdanjorî xebitîyayî, izxarayê xetê awa varanî yê 1200 metreyî yê Cadeyê Sakarya pêro ame pakkerdiş.

Herre û çopê ke pakkerdişê izxarayanê xetê awa varanî yê Cadê Sakarya ra vejîyayî, erşawîyayî Cayê Depokerdişê Çopî yê Şaredarîya Şaristanê Girdî.

Ekîbanê Mudirîya Pêroyî ya DÎSKÎ, badê pakkerdişê hîrayî, esnafê Caddeya Sakarya reyde qisey kerdî ke çop nêerzîyo izxarayanê awa varanî.

Çeşmeyê xirabinî ameyî vurnayene

Ekîbanê DÎSKÎ, çeşmeyê xirabinî ke Cadeyê Sakaryayî de bî, ê zî vurnayî. Bi na xebata ekîban hem vernîya îsrafê awe ame girewtiş hem zî hewcedarîya awe yê şaro ke yeno bazar û yê esnafan ame temînkerdiş.

Esnafê Cadeyê Sakarya, seba nê xebatan sipasîya xo ekîbanê DÎSKÎ rê kerde.