Şaredarîya Amedî ya Şaristanê Girdî, seba ke heywananê kuçeyan hîna weş bipawîyê û hûmarê înan kontrolî de bitepîşê, ereba xesilnayîşî ya mobîle dekerde xîzmet.

Serekîya Daîreya Karanê Weşîye, xebatanê xo yê pawitiş û tedawîyê heywanan dewam kena. Na çarçewa de erebaya xesilnayîşî ya mobîle ke seba ke heywanî cayêk ranêrê berdene û cayê xo de tedawî bibê, dest bi xîzmetî kerd. 

Erebaya mobîle ke tede heme hacetê ke seba amelîyatanê xesilnayîşî lazim ê estê, bitaybetî cayê ke heywanê kuçeyan tede zaf ê, do ê cayan de bêro şuxulnayene. Ereba xesilnayîşî ya mobîle hem do bikero ke baytarî hîna lez hereket bikerê hem zî do wina bibo ke rewşanê acîlan de hîna lez mudaxele bêro kerdene.

Cayê ke nufusê heywanan zaf ê, do tede xîzmet bido

Serekê Daîreya Karanê Weşîye Vahap Saçakliyî îfade kerd ke ê wazenê zehmetîyê ke wextê berdişî de yenê ciwîyayene, kêmî bikerê û wina va: "Cayo ke nufusê heywanan zaf ê do uca de erebayanê xo de û cayêko pakî de xesilnayîş bikê. Bi no hawa ma dest bi nê xîzmetî kerd ke stresê ke heywanî wextê girewtişê înan de ancenê, wedarnê."