Şaredarîya Amedî ya Şaristanê Girdî, Mintiqaya OSB’yî de kontrol kerd. Kontrolan de şîrketî seba mutabiqîya qanûnan û hessasîyeta dormareyî ameyî îqazkerdene.

Ekîbê Serekîya Daîreya Weşîye, Serekîya Daîreya Zabita, Serekîya Daîreya Pawitişê Dormareyî, Mudirîya Bajarwanî û Vurîyayîşê Îklîmî û Şubeyê Weşîye Heywanan, seba dezgeyanê birrnayîşê goştî yê Taxa Ovundulera Qezaya Baglarî, Mintiqaya Senayîya Organîze ya Besîya Ziraetî de kontrol kerd. Çarçewaya kontrolan de şîrketan de kontrolê mutabiqîya qanûnan ame kerdene û îqazê lazimî ameyî kerdene.

Kontrolan de ke bi pêşengîya Serekîya Daîreya Weşîye ameyî kerdene, şîrketî seba ke goreyê qanûnan bixebitîyê û bala xo bidê dormareyî, ameyî îqazkerdene. OSB û yew şîrketa ke dormare lêmin kerdêne û goreyê qanûnan nêxebityayêne, înan rê muameleyê qanûnî ameyî tetbîqkerdene.