Meclîsê Şaredarîya Amedî ya Şaristanê Girdî, bi yewvengî qebul kerd ke Serekîya Daîreya Xizmetê Astengdar û Kalan bêro awankerdene.

Roniştişê hîrêyine yê kombîyayîşê normal yê aşma Tebaxe yê Meclîsê Şaredarîya Şaristanê Girdî bin serekîya Hemşaredar Dogan Hatunî de virazîya.

Kombîyayîş de madeyê ke seba çareserkerdişê problemanê muhîmanê bajarî ameyî rojeve, awankerdişê Serekîya Daîreya Xizmetê Astengdar û Kalan binê Şaredarîya Şaristanê Girdî de ame rojeve.

Bi yewvengî ame qebulkerdene

Madeyê rojeve ke seba awankerdişê Serekîya Daîreya Xizmetê Astengdar û Kalan meclîsî rê ame pêşkêşkerdene, bi yewvengîya endaman ame qebulkerdene.

'Ma sipas kenê ê kesan rê ke emeg dayo'

Serekê Federasyonê Bêastengîyan Abdulmecît Yilmazî ke beşdarê roniştişî bî û badê reydayîşî de qisey kerd, va ke ê sey astengdaran demêko derg o ke paweyê nê qerarî bîy. Yilmazî verê Hemşaredarî Serra Bucak û Dogan Hatun, endamê meclîsî û ê kesê ke awankerdişê serekîya daîre de emeg dayo, înan rê sipas kerd.

Roniştiş meclîsî, madeyê bînî yê ke ameyî rojev ser munaqeşekerdişê înan û qerardayîşî reyde qedîya.