Şaredarîya Amedî ya Şaristanê Girdî, seba viraştişê peyerayîr û peyzajê Rayîrê Mêrdînî ke Taxa Çarixlî ra vîyareno, dest bi amadekarîyan kerd. Na çarçewa de ekîbê zabita, seba pakkerdişê cayanê ke dezgehan îşxal kerdî, dest bi xebate kerd.

Hemşaredarê Şaredarîya Amedî ya Şaristanê Girdî Dogan Hatunî, 13ê Tebaxe de Taxa Çarixlî de etud kerd û seba ke cayê ke dezgehî Rayîrê Mêrdînî de îşxal kerdî bêrê pakkerdene û peyerayîr û peyzaj bêrê viraştene, beşê eleqedarî wezîfedar kerdî.

Hatunî waşt ke Serekîya Daîreya Park û Baxçeyan ca yo ke keweno berê bajarî, peyerayîr û peyzajê ey bêro viraştene û bêro xizmet.

Gama verêne ameye eştene

Na çarçewa de ekîbê ke girêdayeyê Serekîya Daîreya Zabita yê, seba cayanê ke do tede peyerayîr û peyzaj bêrê viraştene dest bi xebate kerd.

Ekîban, seba xebatanê ke do dest pê bikerê esnafî agahdar kerdî, seba ke cayê îşxalîye wedarê, 11 tebligatê nuştekî kerdî, 15 dezgehan rê zî îqazê fekkî kerdî.