Hemşaredarê Şaredarîya Amedî ya Şaristanê Girdî Serra Bucak û Dogan Hatun, Park 75 ra gêrayî, şarî reyde qisey kerdî, waştişê înan goşdarî kerdî û seba hişmendîya komelkî torbeyê çopî vila kerdî.

Çarçewaya kampanyaya pakkerdişî de ke Şaredarîya Şaristanê Girdî 5ê Hezîrane ra tepîya da destpêkerdenee, seba ke şarê ke parkan de îstirahet kenê, înaan de hişmendîya komelkî bêro viraştene, torbeyê çopî ameyî vilakerdene. Bi sloganê "Ma parkan de şarê xo goşdarî kenê, ma Amedî ra hes kenê, ma lêmin nêkenê" xebata ke Hemşaredarî Serra Bucak û Dogan Hatunî rayberîye kerd, Hemşaredarê Şaredarîya Kayapinarî Berîvan Gulşen Sincar û Cengîz Dundar, Sekreterê Pêroyî Emrullah Gorduk, Hetkarê Sekreterê Pêroyî Reşat Bakan û Azîz Ozdogan, serekê daîreyan û endamê meclîsî zî beşdar bîyî.

Hemşaredaran îqaz kerd

Hemşaredarê ke şarî eleqeyêko zêde înan rê nîşan da, Park75 ra gêrayî û şarî reyde qisey kerd. Hemşaredaran waştişê şarî goşdarî kerd û ciwanan rê eleqeyêko taybetî nîşan da. Hemşaredaran ke seba hişmendîya komelkî şarê ke parkî de îstirahet kenê, înan rê torbeyê çopî vila kerdî û înan ra waşt ke park pak bêro tepêştene.

'Ma do bibê çare 

Hemşaredarê ke 3 saetan mîyanê parkî ra gêrayî, va ke ê do seba waştişanê şarî yê pakkerdişê parkî, parkkerdişê wasitan rayîrê bisîkletan de, roşnîye, bank û grûbanê kayî yê neweyan bêrê viraştene, bibê çare.