Mudirîya Pêroyî ya DÎSKÎ ya Şaredarîya Amedî ya Şaristanê Girdî, seba temînkerdişê awa bêmabêne û weşe bajar de 2 hezar 226 bîrê sondajî newe kerdî.

Mudirîya Pêroyî ya DÎSKÎ (Îdareya Awe û Kanalîzasyonî ya Amedî), seba ke awa şimitişî bêmabên temîn bikero, xebatanê pawitiş û tamîrkerdişî dewam kena.

Na çarçewa de, bi hedefê ke şarî rê xizmetêko hîna weş bêro dayene, Mudirîya Pêroyî ya DÎSKÎ ke 4 merkezan û 14 qezayanê teberî de viraştişanê binawanî dewam kena, seba ke aşmanê hamnanî de hewcedarîya awe zêde bena û seba ke problem nêvejîyo, bîranê sondajan de xebatanê pawitiş û tamîrkerdişî kena.

Xirabîya 2 hezar 226 bîranê sondajî ameye çarekerdene

Bajar de 4 aşmanê peyênan de bitaybetî taxanê teberî de 670ê înan mekanîk, 1556ê înan elektrîkî pêro pîya 2 hezar 226 bîrê sondajî ameye tamîrkerdene û aktîfkerdene.

170 pompayê binerdî ameyî montajkerdene

Taxanê teberî de 4 aşm û nêmê peyênan de bîranê sondajan de 170 pompayê binerdî, bi makînaya karî bîrî ra vejîyayî, badê tamîrkerdişî reyna ameyî montajkerdene.