Hemşaredarê Şaredarîya Amedî ya Şaristanê Girdî Serra Bucak û Dogan Hatunî, vengdayîşê ke şarî ra Merkezê Vengdayîşî ALO 153î rê ameyî, cewab dayî û waştiş û pêşnîyazî resnayî beşê eleqedaran.

Hemşaredarê Şaredarîya Şaristanê Girdî Serra Bucak û Dogan Hatunî, mesaîya xo Merkezê Vengdayîşî ALO 153î de dest pê kerd ke girêdayeyê Serekîya Daîreya Çapemenîû Têkilîyê Şarî yo û Sumerpark de xîzmet dano.

Hetkarê Sekreterê Pêroyî Azîz Ozdogan û Sereka Daîreya Çapemenî û Têkilîyê Şarî Berîvan Guneş Hemşaredaran reyde bî û  înan derheqê xebatanê merkezê vengdayîşî de serkanê beşan ra melumat girewtî.

HemÅŸaredaran cewab da telefonan

Hemşaredaran, vengdayîşê ke şarî ra Merkezê Vengdayîşî ALO 153î rê ameyî, bi xo cewab da û pêşnîyaz, waştiş û şikayetî not kerdî. Vengdayîşê ke ameyî, Hemşaredaran bi ehemîyet goşdarîya waştişanê şarî kerdî û waştişî, seba ke hetê çareserkerdişî ra bi lez bêro hereketkerdene, beşê eleqedaran rê xeber dayî.

Kapasîteyê merkezê vengdayîşî do bêro zêdekerdene

Hemşaredaran, reyna seba xebatanê hîna lezan seba zêdekerdişê kapasîteyê Merkezê Vengdayîşî ALO 153î beşê eleqedarî wezîfedar kerdî.