Meclîsê Şaredarîya Amedî ya Şaristanê Girdî, seba dayîşê perwerdeyê cinsîyetê komelkî yê personelan bi yewvengîye qerar girewt.

Meclîsê Şaredarîya Şaristanê Girdî, kombîyayîşê xo yê normalî yê aşma tebaxe de perwerdeyê cinsîyetê komelkî girewt rojeva xo. Meclîsî ke 12ê tebaxe de nê babete ser o munaqeşe kerd, seba ke cayê cinîyan komelî de, seypêyîya firsendî û seypêyîya komelkî bêro temînkerdene û vernîya mobbîngî bêro girewtene ke cinî cuya xebate de vînenê, seba ke endamê meclîsî, serekê daîreyan, mudirê şubeyan û personelanê şaredarîye rê perwerde bêro dayene, raporê ke Komîsyonê Cinîyan hazir kerdbî û derheqê awankerdişê atolyeyê perwerdeyî de bî, bi yewvengîye qebul kerd.

Serekîya Daîreya Xîzmetê Cinî û Keyeyî, badê qerarê Meclîsî, çarçewaya programî de ke do hazir bikero, do dest bi perwerdeyanê cinsîyetê komelkî bikero ke vera teberkerdiş û cîyakerdişê cinîyan de yo.