Mudirîya Pêroyî ya DÎSKÎ yê Şaredarîya Amedî ya Şaristanê Girdî, problemê awa şimitişî ke bi serran Taxa Karaçali ya qezaya Sûrî de dewam kerdêne, bi bîrê sondajî ke 640 metre xorîn o, safî kerd.

Mudirîya Pêroyî ya Îdareyê Awe û Kanalîzasyonê Amedî (DÎSKÎ), seba ke awa şimitişî bêmabên û bi hawayêko weşîye biresno cayanê bajarî yê tewr dûrîyan, xebatanê xurtkerdiş û binawanî dewam kena.

Problemê awa taxe ke nufusê aye 2 hezarî yo, safî bî

Mudirîya Pêroyî ya DÎSKÎ, seba ke problemê awa şimitişî ke bitaybetî aşmanê hamnanî de Taxa Karaçali  de ke nufusê aye 2 hezarî yo, est bî wedarno, xebatê bîrê sondajî kerdî.

Bi encamê xebata ke ekîban kerde, bîrê sondajî de 640 metreyî xorînîye de sanîye de 25 lître dayoxîya awe ame tesbîtkerdene.

Seba ke bîrê sondajî dekewê xebate, prosesê testî bi serkewte ameyî kerdene. Badê ke nimûneyî Tesîsê Safîkerdişê Awa Şimitişî de ameyî testkerdene û encamê înan pozîtîf vejîya, girêdayîşê awa bîrî û depoyanê awa şimitişî yê Karaçali ame kerdene.

'Taxe do bi serranê dergan problemê awe nêanco'

Mudirê Pêroyî yê DÎSKÎ Mehmet Şerîfogluyî qeyd kerd ke bi saya sondajî ke înan kerdo, bi serranê dergan Taxa Karaçali de problemê awa şimitişî nêbo û wina va: "Şarê ma ganî awa şimitişî qaçax sey awdayîşê baxçe û hêgayan nêşuxulno. Êyê ke aboneyîya înan çin a, ganî lez prosesê abonebîyayîşî bikerê. Xîzmetê ma yo newe Taxa Karaçali rê bixeyr bo."