Şaredarîya Amedî ya Şaristanê Girdî, seba ke şarî rê werdêko erjan, pak, biweşî û ewle bido, Aşxaneyê Şarî akena. Qezaya Yenîşehîrî de Kuçeyê Hunerî de aşxaneyî de ke kapasîteyê aye rojane hezar kesî yo, do 4 tewir werdî bêrê viraştene.

Şaredarîya Amedî ya Şaristanê Girdî, seba ke refahî û keyweşîya şarî zêde bikero, yewna projeya lazime zêde kena. Şaredarîya Şaristanê Girdî ke goreyê hişmendîya şaredarîya sosyalî hereket kena, seba ke şarê bajarî rê werdêko erjan, pak, biweşî û ewle bido, Projeya Aşxaneyê Şarî akena.

Menu de do 4 tewir werdî bibê

Aşxaneyê Şarî de ke do roja yewşemeyî ra teber her roje mabênê saetê 12.00-17.00 de xîzmet bido, do 4 tewir werdî bêrê viraştene. Aşxaneyê Şarî ke bitaybetî hedefe aye sey kesê ke ameyeyê înan kêmî yo û wendekarî ameyê fikirîyayene, ameye plankerdiş ke do rojane hezar kesan rê xîzmet bido.

Wextêko nêzdî de dekewena faalîyet

Aşxaneyê Şarî yo verên ke do zereyê Şaredarîya Amedîya Şaristanê Girdî de xîzmet bido, qezaya Yenîşehîrî de Taxa Kooperatîfleran de Kuçeyê Hunerî de do bêro akerdene. Şaredarîya Şaristanê Girdî, goreyê hewcedarî û waştişî plan kena ke hûmara aşxaneyanê Şarî zêde bikero.