Mudurîya Pêroyî ya DÎSKÎ yê Şaredarîya Amedî ya Şaristanê Girdî, 2 mektebî ke Taxa Talaytepe de newe virazîyayî, seba lazimîya awa nê mekteban, xetê awa şimitişî ke dergîya xo 400 metre ya ancena.

Mudurîya Pêroyî ya DÎSKÎ, hem goreyê waştişanê şarî, hem zî goreyê kemasîyanê binawanî yê dezgeyanê perwerde, îbadetxane, dezge û sazgehan xebatanê xo domnena.

Na çarçewa de ekîbê ke giredayeyê Serekîya Daîreya Awa Şimitişî yê, Taxa Talaytepe de mektebo ke bi 32 sinife û mektebo ke bi 8 sinifan o, seba lazimîya awa şimitişê nê mekteban, xetê awa şimitişî ke dergîya xo 400 metre ya ancena.

Temambîyayîşê xebatan ra pey xetê awa şimitişî do depoyanê mekteban ra bêro girêdayene. Bi xetê awa şimitişî do lazimîya awa şimitişî yê mekteban bêro ca.