Ekîbê Şaredarîya Amedî ya Şaristanê Girdî, Taxa Tavşantepeyî ya Qezaya Baglarî de seba ke Narîn Gurana ke vîndî bîya bêro dîyayene, laye de xebatê geyrayîşî kenê.

Xebatê geyrayîşê Narîn Gurana 8 serrî ke 21ê Tebaxe de Taxa Tavşantepeyî ya dewa Baglarî de badê ke Kursê Quranî ra vejîyaya, reyna xebere aye nêgêrîyaya, roja 8. de dewam kenê. Seba ke Narîn Guran bêro dîyayene, Şaredarîya Amedî ya Şaristanê Girdî zî heme îmkanê xo seferber kerdî û piştî dana xebatanê geyrayîşî.

Ekîban xeberêk ser o xebate kerd û Taxa Tavşantepeyî ra teqrîben 2 kîlometreyî dûrî, laya ke dewa Gonenlî ya girêdayeya Taxa Ozdemirî ra vîyarena, tede dest bi xebata geyrayîşî kerd. Ekîbê ke bi makînaya karî ya Serekîya Daîreya Koordînasyonê Pawitişê Rayîr û Binawanî ya Şaredarîya Şaristanê Girdî laye de xebitîyenê, debîyê awe tay kênê kêmî û seba ke xebata laye de hîna rehet bêro kerdene, imkan virazîyeno. Seke ekîbê Îtfaîye û AFAD kenare laye de xebatanê geyrayîşî dewam kenê, awbazî zî do laye de xebata geyrayîşî bikerê.