Hemşaredara Şaredarîya Amedî ya Şaristanê Girdî Serra Bucak, Kombîyayîşê Encumenê Yewîya Şaredarîyanê Tirkîya (TBB) ke Semsûr de ame organîzekerdene, beşdarê ci bîye.

Hemşaredara Şaredarîya Şaristanê Girdî Serra Bucak, seba ke beşdarê Kombîyayîşê Encumenê TBB’yî biba, şaredaranê bînan reyde ameye Semsûr. Kombîyayîş ke yew otelê bajarî de bi serekîya Serekê Şaredarîya Îstanbulî ya Şaristanê Girdî û yê TBB’yî Ekrem Îmamogluyî virazîya, tede Hemşaredara Şaredarîya Amedî ya Şaristanê Girdî Serra Bucak, Hemşaredarê Şaredarîya Mêrdînî ya Şaristanê Girdî Ehmed Turk, Şaredarê Semsûrî Ebdurrehman Tutdere, Şaredarê Mêrsînî ya Şaristanê Girdî Wehap Seçer, Şaredara Aydînî ya Şaristanê Girdî Ozlem Çerçîoglu, Şaredarê Artvinî Bîlgehan Erdem, Şaredara Edîrneyî Fîlîz Gencan Akin, Şaredarê Newşehîrî Rasîm Ari, Şaredarê Zonguldakî Tahsîn Erdem, Şaredarê Buyukçekmeceyî Hesen Akgun û Şaredara Selçukî Fîlîz Cerîtoglu Sengel beşdar bîy.

Kombîyayîşê Encumenê TBB’yî de, rewşa mintiqayanê erdlerzî, têkilîya mabênê bajaran û qerarê encumenî ameyî mişewrekerdene.