Mudirîya Pêroyî ya DÎSKÎ yê Şaredarîya Amedî ya Şaristanê Girdî, seba ke îhtîyacê awa şimitişî yê keyeyanê erdlerzî ke Qezaya Hêni de viraştişê înan qedîyayo, temîn bikero, 3 hezar û 200 metre xeta şebekeya awa şimitişî ronana.

Mudirîya Pêroyî ya DÎSKÎ yê Amedî, seba ke merkezê bajarî, qeza û taxanê dewan de sîstemêko binawanî yo modern awan biko û awa şimitişî ya kalîteyine biresna şarê xo, xebatanê xo dewam kena.

Na çarçewa de DÎSKÎ ke projeyan vîrazena, seba ke îhtîyacê awa şimitişî yê 15 keyeyan û 13 keyeyanê erdlerzî ke Keyeyanê Komkî yê Taxa Kalaba ya girêdayeya Qezaya Hêni de yê, temîn biko, dest bi xebate kerd.

Ekîbê ke girêdayeyê Mudirîya Pêroyî ya DÎSKÎ yê, seba ke îhtîyacê awa şimitişî yê Keyeyanê Komkî yê Taxa Kalaba û keyeyanê erdlerzî temîn bikerê, dest bi xebata ronayîşê xeta şebekeya awa şimitişî ya 3 hezar û 200 metre kerd. Badê ke xebatî biqedîyê, şarê taxe do bireso awa şimitişî ya weş û kalîteyine.

Mudirê Pêroyî yê DÎSKÎ Mehmet Şerîfogluyî dîyar kerd ke seba ke awa şimitişî ke çimeyê cuye yo bingehîn o, bi hawayêko bêvindertene û weş bireso noqtayanê tewr dûrî yê bajarî, xebatê xurtkerdişê binawanî dewam kenê.