Hemşaredara Amedî ya Şaristanê Girdî Serra Bucak, beşdarê kombîyayîşê heyetê îdareyî yê Ajansê Averşîyayîşî yê Qerejdaxî bîye.

Hemşaredara Şaredarîya Şaristanê Girdî Serra Bucak, beşdarê kombîyayîşê heyetê îdareyê yê Ajansî Averşîyayîşî yê Qerejdaxî bîye ke bi serekîya Walîyê Rihayî Hesen Şildak û mêmandarîya Walîyê Amedî Murad Zorlûogluyî virazîya. Kombîyayîşo ke awanîya xizmetî ya Ajansê Averşîyayîşê yê Qerejdaxî ya Amedî de virazîya, tede Serekê Odaya Tîcaret û Senayî ya Amedî (DTSO) Mehmet Kaya, Serekê Odaya Tîcaret û Senayî ya Riha (ŞUTSO) Mehmet Yetîm û Wekîlê Sekreterê Pêroyî yê Ajansî Yunus Çolak zî beşdar bîy.

Kombîyayîşî de, fealîyet û xebatê ke Ajansê Averşîyayîşî yê Qerejdaxî wareyê averşîyayîşê herêmî de keno, înan ser o ame vindertene. Sewbîna, rewşa programanê netewe û mîyannetewe ke Ajansê Averşîyayîşê yê Qerejdaxî keno, ser o ame qiseykerdene.