Mudirîya Pêroyî ya DÎSKÎ ya Şaredarîya Amedî ya Şaristanê Girdî, problemê awa şimitişî yê Taxa Gundogduyî ya girêdayeya Qezaya Dîcle bi 2 bîr û xeta aweya 2 hezar metreyî çareser kerd.

Mudirîya Pêroyî ya DÎSKÎ ya Amedî ke seba ke awa şimitişî bi hawayêko bêvindertene û weş biresno noqtayanê tewr dûrî yê bajarî, xebatê tamîr û newekerdişê binawanîyan dewam kena, problemê awa şimitişî ke serran ra dewam kenê zî yew bi yew çareser kena.

Na çarçewa de DÎSKÎ ke projeyan vîrazena, seba ke îhtîyacê awa şimitişî yê Taxa Gundogduyî ya girêdayeya Qezaya Pîranî temîn bikero dest bi xebate kerd.

2 hezar metre xeta awe ameye ronayene

Ekîbê ke girêdayeyê Mudirîya Pêroyî ya DÎSKÎ yê, seba ke îhtîyacê awa şimitişî yê Taxa Gundogduyî temîn bikerê, xebatê kolajê 2 bîranê kesonî û ronayîşê xeta şebekeyê awa şimitişî ya 2 hezar metreyî qedênayî û problemê awa şimitişî yê taxe çareser kerd.

Şarê ke seba xebate keyweşîya xo îfade kerd, ekîbanê Mudirîya Pêroyî ya DÎSKÎ ke mexdûrîyetê înan ê ke serran ra seba awa şimitişî ancênê, wedarnayî înan rê sipas kerd.