Şaredarîya Bajarê Girdî ya Amedî, bi "Çeşmeyê Îkramî" ke çar cayanê cîyayan de awan kerdo, mîyanê roje de her roje 2 hezar kesan rê şerbetê lîmone vila kena. Xizmetê ke di aşman ra vêşêr o yeno dayene, çarçewa nê xizmetî de 60 hezar kesan rê lîmonata ameye vilakerdene.

Hetê Serekîya Daîreya Xizmetanê Sosyalan ra, çar cayanê cîyayanê bajarî de seba wendekar, nêweş û merdimanê înan û şarî rê şorba bêheq ameyêne vilakerdiş û seba naye "Çeşmeyê Îkramîî" ameybî ronayene la seba hewayê germî nika lîmonata yena dayene.

Na çarçewa de verê Polîklînîkanê Unîversîteya Dîcle, Nexweşxaneyê Perwerde û Cigêrayîşî yê Gazi Yaşargil yê Amedî, Nexweşxaneyê Dewlete yê Selahattin Eyyubi û Polîklînîkanê Nexweşxaneyê 

Cinî û Nêweşîyanê Domanan de "Çeşmeyê Pêşkêşî" ameyo ronayene û roja mîyan de her roje 2 hezar şarî rê şerbeta lîmonî yena vilakerdene.

Çeşmeyanê îkramî ra, mîyanê rojî mabênê saetanê 15.00-17.00 de şerbeta lîmonî yena vilakerdene.

'Zimistanî zî do şorba bêro vilakerdene'

 Serekê Daîreya Xizmetanê Sosyalan Serkan Demirkıranî derheqê babete de melumat da û va ke di aşmî yo şerbeta lîmonî ke îkram kenê, heta nika 60 hezar kesan tira îstîfade kerdo û xizmetê înan do dewam bikero. Demirkıranî wina qisey kerd: "Aşma Teşrîna verêne de wexto ke hewa bibo serd, ma do cayê lîmonata de na rey şorba bidê şarê xo. Aşmanê zimistanî de îkramê şorba do dewam bikero. Goreyê felsefeyê şarşaredarîye ma do îkramê xo şarê xo rê dewam bikerê."

Şar xizmetî ra memnun o

Emin Fidancî ke ê jesan ra yew o, memnunîyetê xo yê xizmetê lîmonata îfade kerd û va: "Wexto ke ez tîya ra vîyartêne mi dî ke vila kenê, mi tam kerd. Rasta zî kalîteyin û weş a, sey lîmonataya keyeyî, organîk a, çîyêko zaf weş o. Seba nê xizmetan ez zaf sipas kena."

'Ez şaredarîya xo pîroz kena'

Seyfettin Kayayî zî dîyar kerd ke Şaredarîya Bajarê Girdî her warî de xizmetanê muhîman kena û va: "Şaredarîya ma karanê weşan kena. Yew aşxaneyo newe zî akerdo. Ez şaredarîya ma pîroz kena. Tamê lîmonata zaf weş o."