Mudirîya Pêroyî ya DÎSKÎ ya Şaredarîya Bajarê Girdî ya Amedî, seba ke problemê awa şimitişî yê Dewa Avdegesî ya girêdayeyê qezaya Pasûrî ke 1200 kesî tede ciwîyenê, hal bikero dest bi xebate kerd.

Mudirîya Pêroyî ya Îdareyê Awe û Kanalîzasyonî yê Amedî (DÎSKÎ), seba ke merkezê bajarî, qeza û dewan de yew sîstemê binawanî yê modernî awan bikera û awa şimitişî ya kalîteyine temîn bikero, xebatanê xo dewam kena.

Mudirîya Pêroyî ya DÎSKÎ na çarçewa de projeyan virazenê , seba ke problemê awa şimitişî yê 1200 şarî ke 200 keyeyanê Dewe Avdeges ya qezaya Pasûrî de ciwîyenê û bi serran o ke nê problemî ancenê, dest bi xebate kerd.

1200 metre rayîrê servîsî ame akerdene

Ekîbê ke girêdayeyê Mudirîya Pêroyî ya DÎSKÎ yê, seba ke problemê awa şimitişî yê Dewa Avdegesî hal bikerê, çimeyê Layê Akdorukî de seba xeta awa şimitişî ya 1200 metre rayîrê servîsî akerd.

Badê ke rayîrê servîsî qedîya, bi ardimê makînayan dest bi xebata ronayîşê 700 metre xeta awa şimitişî ame kerdene. Badê ke xebatî biqedîyê, şarê dewe 24 saetî bêvindertene resenê awa şimitişî ya weş û kalîteyine.

Şarê dewe ame agahdarkerdene

Ekîbê Mudirîya Şubeyê Qezaya Pasûrî yê Mudirîya Pêroyî ya DÎSKÎ, Dewa Avdegesî de ameyî pêser û şarî rê derheqê xebatanê abonetîye û îsrafî de melumatî dayî.