Hemşaredarê Şaredarîya Amedî ya Bajarê Girdî Serra Bucak û Dogan Hatun, Tesîsanê Sporî yê Şilbe, xebata rayîrê servîsî yê Bulvarê Mehabadî û Parka Biratîye de cigêrayîş kerd.

Hemşaredar Bucak û Hatun, verê cû Tesîsê Sporî yê Şilbe zîyaret kerd. Hemşaredaran bi wendekaranê ke kursanê Serekîya Daîreya Xizmetanê Ciwanî û Sporî ra îstîfade kenê, ameyî têhet û antremanê înan temaşe kerd. Hemşaredaran domanan reyde demêk qisey kerd û formayî vila kerdî. Hemşaredar Bucak û Hatun dima tesîs gêrayi û serekê yewîneyanê eleqedaran ra melumati girewti.

Hemşaredaran dima xebata rayîrê servîsî yê Bulvarê Mehabadî kontrol kerd. Hemşaredaran, derheqê xebatan de serekê yewîneyanê eleqedaran ra melumat girewti û waşt ke xebatî lez biqedîyê.

Dima şîyê Parka Biratîye ke qezaya Baglarî de ya, Hemşaredar Bucak û Hatun park de gêrayî û cigêrayîş kerd. Hemşaredaran şarê ke parke de boya xo dayêne, înan reyde ameyî têhet û waştişê înan goştarî kerdî.

Hetkarê Sekreterê Pêroyî Reşat Bakan, endamê meclîsî û serekê daîreyan Hemşaredar Bucak û Hatun reyde bî.