Şaredarîya Amedî ya Bajarê Girdî, xeta otobuse ke mabênê Unîversîte û Dingê 500 Evler de xizmet dana, heta Keyeyanê TOKÎ yê erdlerzî ke Taxa Habeşî (Oglaklî) ya qezaya Baglarî de virazîyayê, derg kerde.

Serekîya Daîreya Resî seba ke şarê ke Keyeyanê TOKÎ yê Erdlerzî de ciwîyeno, bilez bieşko şêro merkezê bajarî û mexdûr nêbo, xebatanê xo dewam kena. Na çarçewa de rayîrê wasitaya resê komkî ke mabênê Unîversîte û Dingê 500 Evler de xizmet dano, ame dergkerdene.

Reso raÅŸteraÅŸt

8 otobusê bi dergî ke xeta "AY" de xebitîyenê, do bêke şêrê Taxa Qirxalî (Pirinçlik), rasterast şêrê Keyeyanê TOKÎ yê Habeşî (Oglaxlî).

Bi nê tertîbê neweyî, raywanî do hîna bilez biresê.

18ê Êlule de dest pêkeno

Xeta ke do 18ê Êlule, Çarşeme ra tepîya dest bi xizmetî biko, rayîrê aye wina yo:

TOKÎyê Habeşî - 500 Evler - Otogar - Nexweşxaneyê Bîyayîşî - AVM Ceylan - Çatrayîrê Kantarî - Tesîsler - Seyrantepe - Pirdê Kehenî - Wargehê Kênekan ê KYK - Unîversîte

Otobusê nobetdarî dewam kenê

Serekîya Daîreya Resî bi 2 otobusanê nobetdaran Taxa Habeşî ra hetê Tesîsan de bi rayîrê xo xizmetê resê komkî dana.