Hemşaredarê Şaredarîya Amedî ya Bajarê Girdî Serra Bucak û Dogan Hatunî, Mahmut Uçak ke vizêr wextê varayîşê zêdeyî yê bajarî de bi cehdê xo astengîya xeta awa varayîşî akerdbî û vîdyoyê ey vila bibî, keye de zîyaret kerd û seba hîsdarîya komelkî sipas kerd.

Hemşaredaran Serra Bucak û Dogan Hatunî, Mahmut Uçak ke roja 22ê Êlule de wextê varayîşê zêdeyî ke Amedî de tesîr kerdbî, Rayîrê Mehmet Uzunî yê Taxa Baxcilar yê Qezaya Baglarî de gîlêzê ke mazgalê xeta awa varayîşî de kom bibî, pak kerdbî û vîdyoyê ey medyaya komelkî de vila bibî, keye de zîyaret kerd.

Mahmut Uçakî gama ke dî ke Hemşaredarî vernîya ey de yê ecêbîyayîşê xo nêeşka binimno û pers kerd ke senî o dîyo. Hemşaredaran va ke înan bi vîdyoyê ke medyaya komelkî de vila bibî o dîyo û sebebê zîyaretê xo va.

'Pakîye tena karê şaredarîye nîya'

Uçakî ke Hemşaredaran taye wext ey reyde qisey kerd, ard vîrê ma ke karê pakîye tena karê şaredarîye nîyo, ganî şar zî hîsdar bo.

Hemşaredaran ke bale ant muhîmîya pakîya bajarî ser, seba hîsdarîya komelkî sipasê Uçakî kerd û vilî dayî ey.

Zîyaret de, Mudirê Pêroyî yê DÎSKÎ Mehmet Şerîfoglu û endamê meclîsî û serekê daîreyan Hemşaredaran reyde bîy.