Şaredarîya Amedî ya Şaristanê Girdî, seba ke cayê mezelan Yenîkoy de bes nêkeno, cayêko newe yo 18 donimî amade kena.

Serekîya Daîreya Karê Weşîye, seba ke cayê mezelan Yenîkoy de bes nêkeno, dest bi xebate kerd.

Ekîbê Serekîya Daîreya Karê Weşîye, Park û Baxçeyan û Serekîya Daîreya Koordînasyonê Viraştişê Rayîr û Binawanîyan, vera cayê ke nika tede mezelî yenê kerdene, Yenîkoy de cayêko 18 donimî de dest bi xebate kerd ke do bibo goristan.

Ekîbî zaf bi leze xebitîyenê û çend rojan de cayê mezelî yo newe do bibo amade, seba ke tede mezelî bêrê kerdene.

Şaredarîya Şaristanê Girdî, eke no cayê mezelî yo newe zî bibo pirr, seba ke mezelî bêrê kerdene projeyê alternatîfî ke amade kerdê, do bîyarê ca.