Festîvalê Mîyanneteweyî yê Xalîya Firroke yê Gedeyan ke hetê Şaredarîya Amedî ya Şaristanê Girdî ra ame organîzekerdene, tede 16 welatan ra 37 hunermedî beşdar bîy.

Wayîrîya Serekîya Daîreya Xizmetanê Sosyalan de, hetê Komela Her Ca de Huner ra Festîvalê Mîyanneteweyî yê Xalîya Firroke yê Gedeyan ame organîzekerdene. Festîvalo ke Cayê Ciwîyayîşê Pîyayî yê Sumerparkî de virazîya, tede 16 welatan ra 37 hunermedî beşdar bîy. Festîval de xebatê atolyeyan, pêşkêşîyê kuklayan, konserî, vatişê hîkayan û hunerê destan sey aktîvîteyê cîya-cîyayî ameyî kerdene.

Gedeyan bikeyf kay kerd

Festîval de Atolyeya Kuklayanê Viraştişê bi Dest, Atolyeya Perkusyonî, Atolyeya Orîgamîya Japonî (Hunerê qatkerdişê kaxidan), Atolyeya Qiseykerdişê Hîkayeyanê Dîjîtalan, Atolyeya Sîrkî, Tecrubeyê Xalîya Firroke ya Rastîya Vîrtuelî, Standê Boyaxkerdişê Rîyan û pêşkêşîyê Huneranê Herbê Hindî eleqeyêko zaf gird gedeyan ra dî.

Aktîvîte de gedeyî, bikeyf kay kerd û hem hunermendan hem zî embazanê xo reyde demê ke nêrê vîrakerdene, ciwîyayî.

'Festîval bi beşdarîya gedeyan bi coş û keyf virazîya'

Baran Bozbogayî, Personelê Şubeyê Gedeyan a Serekîya Daîreya Xizmetanê Sosyalan ke derheqê aktîvîteyanê festîvalî de melumat da, va ke festîval zaf rengîn vîyart û gedeyan bi coş keyf kerd.

Bozbogayî wina va: "Atolyeyê ma yê çarçewaya Festîvalê Mîyanneteweyî yê X Xalîya Firroke yê Gedeyan, bi beşdarîya may û pî û gedeyanê ma ya bi coş û keyf dest pêkerd. Atolyeyê ma dewam kenê. Aktîvîteyî heta konserêko gird ke Amfîyê Tîyatro de do bêro organîzekerdene, dewam kenê."