Turnuvaya Tenîsî ya Amed Cupî ya 14. ke Şaredarîya Amedî ya Şaristanê Girdî organîze kerdbî, sporkaran ke derece girewt xelat girewt.

Serekîya Daîreya Xizmetanê Ciwan û Sporî turnuvaya ke seba şarê 13 serrî û corî organîze kerdbî, bi maçanê fînalî qedîya. Kortanê tenîsî yê Park Orman û 75ê girewteyî yê Şaredarîya Şaristanê Girdî de 141 camêrdî, 77 cinî pêro pîya 218 sporkaran musaneqa kerd. Turnuva de ke sporkaran hunerê xo mojnayî, maçê fînalî kay bîy.

Maçê fînalî yê Park Ormanî, Hemşaredarê Şaredarîya Şaristanê Girdî Dogan Hatunî, Sekreterê Pêroyî Emrullah Gordukî, Serekê Daîreya Ciwanan û Sporî Çetîn Hasgumûş û endamanê meclîsê şaredarîye temaşe kerd.

Sporkaranê ke turnuva de derece girewt

Kategorîya cinîyan de Sevîm Ayhan bîye, Hafîze Alpergîn bîye dîyine; kategorîya camêrdan de Mehmet Siddik Ayhan bî yewin, Zulkuf Polat bî dîyin.

Hemşaredar Hatun: Ma do projeyî heta serrêk biqedênê

Hemşaredar Hatunî merasîmê xelatdayîşî de qisey kerd û bitaybetî hakem û heme kesî rê sipas kerd sporkarî û antrenorî rê ke keda înan turnuva de est a. Hatunî dîyar kerd ke înan seba tesîsê sporî û binawanî projeyî amade kerdê û mizgînî da ke nê projeyî heta serrêk do biqedîyê. Ey bale ant muhîmîya turnuva ser o ke tede sporkarê zaf bajaran ra beşdar bîy. Hatunî va ke ê do piştgirîya turnuvaya sporî yê ke do bêrê organîzekerdene, bikerê.

Sporkaran xelatê xo girewtî

Hemşaredar Hatunî, Sekreterê Pêroyî Gorduk û Endama Meclîsî Ozlem Başar sporkaranê ke derece girewt, înan rê xelatî dayî.

'Ez 14 serrî ya beşdarê turnuva bena'

Sevîm Ayhan ke kategorîya cinîyan de yewin bîye, sipas kerd heme kesî rê ke keda înan turnuva de est a.

Zulkuf Polatî ke kategorîya camêrdan de dîyine bî zî va ez 14 serrî yo beşdarê turnuva bena û qeyd kerd ke seba weşkerdişê turnuva ganî derheqê organîzasyonanê hîna girdan û tesîsan de aver şêrê. Polatî Hemşaredaranê Şaredarîya Şaristanê Girdî rê sipas kerd ke piştgirîya turnuva kerda.