Hemşaredarê Şaredarîya Amedî ya Şaristanê Girdî Serra Bucak û Dogan Hatunî, cayê projeyan de kontrolî kerdî.

Hemşaredarê Şaredarîya Şaristanê Girdî Serra Bucak û Dogan Hatunî, nuqteyanê cîya-cîyayan ê bajarî de cayê projeyan de kontrolî kerdî. Hemşaredaran, verê cû Rayîrê Farqînî ser o Baxçeyê Nebatanê Tebî û Aromatîkan zîyaret kerd. Hemşaredaran ke baxçeyê nebatan de kontrolî kerdî, derheqê xebatan de unîteyanê eleqedaran ra melumat girewtî.

Cayê projeyan de kontrol

Dima Hemşaredarî şîyî Baxçeyê Meyweyî yê Qezaya Kayapinarî Dîclekentî û baxçe de gêrayî. Hemşaredaran ke cayê projeyan ê ke do ekonomîya herêmkî, berhemanayîş û îstîhdamî xurt bikerê kontrol kerdî, derheqê projeyan de amirê unîteyanê eleqedaran reyde fikrî qisey kerdî.

Yewîneyî ameyî zîyaretkerdene

Serekê Daîreya Park û Baxçeyan Îbrahîm Yalçin, Serekê Daîreya Xizmetanê Dewan Velat Ozer û Sereka Daîreya Vurîyayîşê Îqlîmî û Sifir Atikî Evîn Dinar ra derheqê projeyan de melumat girewtî.