Hemşaredara Şaredarîya Amedî ya Şaristanê Girdî Serra Bucak, antremanê peyênî yê TîmêCinîyan ê Voleybolî yê Şaredarîya Şaristanê Girdî ke do peynîya hefteyî teber ra maçê xo yê verên yê Lîga 2. de bikero, temaşe kerd û va ke ê tîmê xo ra hêvîdar ê.

Tîmê Cinîyan ê Voleybolî yê Şaredarîya Amedî ya Şaristanê Girdî ke Serekîya Daîreya Xizmetanê Ciwan û Sporî de sezonê vîyarteyîş de Lîga 2. de ca girewtbî, nê sezonî de do Grûba 15. de mucadele bikero. Sporkarê cinî, seba maç verên yê lîgî, 6ê teşrîna verêne yewşeme teber ra do Tîmê Cinîyan ê Voleybolî yê Ciwanîya Duzîçî ya Osmanîye reyde kay bikê.

Hemşaredare Bucak, sporkarê cinî tenê nêverdayî

Hemşaredara Şaredarîya Şaristanê Girdî Serra Bucak, antremanê peyênî yê sporkarê cinîyan de ke Salona Sporî ya Koşklerî ya qezaya Yenîşehîrî de bî, tenê nêverdayî. Hemşaredare Bucak ke salona sporî de sporkarê cinîyan reyde sohbet kerd, va "ma şima ra hêvîdar ê, ma xeberê şima yê weşî pawenê" û seba înan serkewtiş waşt.

Hemşaredare Bucak, dima şî trîbuna salona sporî û antremanê sporkarê cinîyan temaşe kerd.

Hemşaredare Bucak ke piştgirî da sporkarê cinîyan, aye reyde Hetkarê Sekreterê Pêroyî Zerîn Turk û Reşat Bakan, Serekê Daîreya Xizmetanê Ciwanan û Sporî Çetîn Hasgumuş û endamê meclîsî amade bîy.