Şaredarîya Amedî ya Bajarê Girdî, seba ke kulturê tenûre ke serran ra nat dewam keno, hema zî dewam bikero, qezaya Kayapinarî de 2 tenûrê ke êdî nêameyêne şuxulnayene, tamîr kerdî û kerdî hazir.

Şaredarîya Bajarê Girdî, kulturê tenûre ke dewan de yeno dewamkerdene, seba ke merkezê bajarî de zî nêro xo vîr ra kerdene, xebatan kena.

Hemşaredarê Şaredarîya Amedî ya Bajarê Girdî Dogan Hatunî, gama ke 3ê êlule de kontrolê sahayanê semtî yê Futbol, Voleybol û Basketbolî ya 500 Evler yê qezaya Kayapinarî de ke newe ra ameye viraştene, kerdêne, şarî waşt ke tenûrî bêrê tamîrkerdene û ser o dest bi xebate bî.

Serekîya Daîreya Park û Baxçeyan, goreyê waştişê şarê taxe, di tenûrê ke kîşta qadan de bî, newe ra viraştî. 2 tenûrê ke xebatê înan qedîyayî, ameyî akerdene.

Şar xizmetî ra keyfweş o

Şarê Taxa 500 Evler va ke ê keyfweş ê ke tenûrê ke serran ra nat herême de yenê şuxulnayene û heta ewro ameyê û mîrasêkê kulturî yê, newe ra ameyê viraştene. Şarî va ke pakîya cayî û ronayîşê tenûran tewr rind ameyo kerdene û seba xizmetan sipasîya xo Şaredarîya Bajarê Girdî rê kerde.