Şaredarîya Amedî ya Bajarê Girdî, xebatê peyzajî ke Fîskaya  de kerdêne, qedênayî. Fîskaya  cayêk o ke Baxçeyê Hewselî û Sûrê Tarîxî ke lîsteya mîrasê UNESCO’yî de ca gênê, tede yenê têhet.

Serekîya Daîreya Park û Baxçeyan, xebatê peyzajî ke Cadeyê Dr. Yusuf Azizogluyî yê qezaya Yenîşehîrî de ke sey Fîskaya  yena şinasnayene û cayêko muhîm yê turîzmê bajarî yo, qedênayî û akerdî.

4 hezar û 250 metrekare ca ame sererastkerdene

Serekîya Daîreya Park û Baxçeyan ke xebatê peyzajî bi îmkananê xo qedênayî, cayo ke destpêkê proje de 2 hezar û 781 metrekare fikirîyayêne, hîra kerd û kerd 4 hezar û 250 metrekare.

Ekîban ke xebata peyzajê Fîskaya yê 4 hezar û 250 metrekare bi xebatanê binawanî dest pêkerd, dima çarçewaya karê serawanî de bi malzemeyê cîya-cîyayê dekoratîfê peyzajî, dar û vilan xemilna. 

Verê, seba ke zerreyê cayî bibo cayê keskayîye, çarçewaya xebatanê binawanî de cayê de herre zêde kerda û teswîye kerda, cayo ke sey zerreyê huşkî ameyo dizaynkerdene, tede beton rişîyayo, kerraya rengine ya dekoratîfe dolomît ronîyayî û seba rayîrê resî karoyan rişîyayî.

Serekîya Daîreya Park û Baxçeyan, seba ke cayê keskî bi hawayêko weş aver şêrê, tesisat û sîstemê awdayîşê çiklî viraşt.

Darî ameyî ronayene

Ekîban cayê ke sey cayê keskî ameyî qîmetkerdene, tede 18 hebî darê oya, 24 hebî darê manolya, 40 hebî darê selvîyê kewe, 50 hebî darê şekerê akçaya, 250 hebî gold taflanê ke grûba vilan ra yê, 29 hebî mazîyê topî, 80 hebî zakkum, 620 hebî ardîcî ramitî.

Serekîya Daîreya Park û Baxçeyan, seba ke ca hîna rindek aseno, demê hamnanî û zimistanî de do cayê peyzajî de vilikê mewsimî yê rengan û tewiran de cîya-cîyayan biramo.