Şaredarîya Amedî ya Bajarê Girdî, qezaya Yenîşehîrî Taxa Dokuzçeltikî de 1.2 kîlometreyê Bulwarê Mîr Celadetî ke pêro pîya 2 hezar û 200 metre derg o, ci ser o xebatê sathîkerdişî qedênayî.

Serekîya Daîreya Koordînasyonê Viraştişê Rayîr û Binawanîyan, seba ke şar cayê roniştişî yê neweyan de problemê resî nêanceno, xebatanê xo dewam kena.

Çarçewaya xebatan de, qezaya Yenîşehîrî de Taxa Dokuzçeltikî de Bulwarê Mîr Celadetî ke dewamê Bulwarê Mahabadî yo, beşê ey yê 1200 metreyî de xebatê sathî qedîyayî. Rayîrê îmarî yê neweyî de ke do 50 metre hîra û 2 hezar û 200 metre derg bo, beşê ke mendo de xebatê viraştişê dêsê kerrayan û rayîrî dewam kenê.

Rayîr ke dewamê Bulwarê Mahabadî yo, badê ke xebatê binawanî û serawanî qedîyayî, do trafîkî rê bêro akerdene.