Hemşaredarê Şaredarîya Amedî ya Bajarê Girdî Serra Bucak û Dogan Hatun, Taxa Ulgenî ya girêdayeya qezaya Hezroyî de şarî reyde ameyî têhet.

Hemşaredarê Şaredarîya Bajarê Girdî Serra Bucak û Dogan Hatun, zîyaretanê xo yê taxanê dewan dewam kenê. Hemşaredarî ke şîyî qezaya Hezroyî, seba tertîbkerdişê derûdorê Zîyareta Mêranî ya Taxa Ulgenî (Mêranî) de kontrolî kerdî. Hemşaredaran seba tertîbkerdişê rayîrê ke şono turbe û rampaya ke astengdarî şuxulnenê, beşê eleqedarî wezîfedar kerdî, dima cayê akerde yê taxe de şarî reyde ameyî têhet.

Hemşaredarî ke taxe de eleqeyêko zêde dî, şarî reyde sohbet kerd û goşdarîya waştiş û pêşnîyazanê înan kerd. Hemşaredaran va ke problemê sey rayîr û awe do bi programê viraştişî yê 2025î bêrê çareserkerdene û seba probleman ke ganî bi lezgînî bêrê çareserkerdene zî beşê eleqedarî wezîfedar kerdî.

Zîyareta taxe de Hetkarê Mudirê Pêroyî yê Îdareya Awe û Kanalîzasyonî ya Amedî (DÎSKÎ) Serdar Arslan, Sereka Daîreya Çapemenî, Weşanî û Têkilîyanê Şarî Berîvan Guneş, Serekê Daîreya Koordînasyonê Tamîrê Rayîrî û Binawanî Ozgur Tekîn û endamê meclîsî hemşaredaran reyde bî.