Buroyê turîzmî yê Şaredarîya Amedî ya Bajarê Girdî, eleqeyêko gird yê turîstanê zere û xerîban vînenê.

Bi ameyîşê payîzî, Amed de sezonê turîzmî dest pêkerd. Buroyê Turîzmî yê Berê Koyî, Buroyê Turîzmî yê Keyeyê Dengbêjan û Buroyê Turîzmî yê Berê mardînî ke binê Mudirîya Şûbeyê Turîzmî ya girêdayeya Serekîya Daîreya Karê Kultur û Komelkî ya Şaredarîya Bajarê Girdî de xebatanê xo kenê, derheqê dayîşnaskerdişê tarîxî û dewlemendîyanê kulturî yê Amedî de rolêko muhîm gênê xo ser.

Derheqê tarîxê bajarî de agahdarî

Buroyê turîzmî, eleqeyêko gird yê turîstanê zere û xerîban vînenê. Buroyê agahdarîya turîzmî, bi taybetî derheqê Kela Amedî û Peyzajê Kulturî yê Baxçeyanê Hewselî ke Lîsteya Mîrasê Kulturî yê Dinya ya UNESCO’yî de ca gênê, cayanê tarîxî û awanîyanê kulturî de agahdarî danê turîstan û bi nê hawayî ardimêko pîl danê dayîşnaskerdişç bajarî.

Materyalê dayîşnaskerdişê bêpereyî yenê peydakerdene

Buroyê turîzmî de materyalê dayîşnaskerdişî ke îmkan danê ke bajar hîna nêzdî ra bêro şinasnayene, bêpere yenê peydakerdene.

Nê demî de ke eleqeyê turîstanê zere û xerîban a Amedî zêde bîyo, buroyê agahdarîya turîzmî, sey cayê ke kesê wazenê bajarî keşf bikerê şonê, dewam kenê.