Hemşaredara Şaredarîya Amedî ya Bajarê Girdî Serra Bucak, beşdarê sohbeta Gokçe Bilgin ya nuştoxe romana 05:45 Îstanbolî bîye, Nawitgehê Antroposen yê Hunermend Bestami Egî ra gêraye.

Nuştoxe Gokçe Bilgin ke çarçewaya Sohbetanê Akademîya Amida yê Weqfa Naskerdiş, Kultur û Ardimkerdişî ya Amedî (DÎTAV) de ameybî Amed, derheqê romana xo ya peyêne 05:45 istanbol de wendoxan reyde ameye têhet. Moderatorîya sohbeti ke Keyeyê Kultur û Hunerî yê DÎTAV Amed de bî, Nuştoxe Eylem Ata Guleç kerd.

Hemşaredara Şaredarîya Bajarê Girdî Serra Bucak û Hetkara Sekretera Pêroyî Zerin Turk beşdarê sohbeti bîy ke tede wendoxî û nuştoxê ke Amedî de ciwîyenê, zî est bî. Nuştox Şeyhmus Diken ke wayîrê keyeyî bî û sohbet pêşkêş kerd, kitabê Murathan Munganî Kadından Kentler (Cinîyan ra Bajarî) ard vîrî û seba ke Hemşaredara Şaredarîya Bajarê Girdî Serra Bucakî res rê sponsor bîbî, sipasiya xo kerde. Dikenî seba ke aye kitabê xo yê dîyinî rê xatirê înan nêşikit û amebî Amed, sipasiya xo Bilgin û Eylem Ata Guleç rê kerd.

Bilgin ke bi kitabê xo yê yewinî Porselen Bir Mevzu (Meseleyêka Porselene) xelata romanî ya Vedat Turkalî girewta, sohbetî de behsê kerd ke senîn cayêk de pîl bîya, kamcîn kitaban û nuştoxan ra tesîr girewto û felsefeyê peyênî û prosesê nuştişî yê romana 05:45 Îstanbul. Bilgin, badê sohbetî kitabê xo îmze kerdî.

Hemşaredare Bucak nawitgehî ra gêraye

DÎTAVî reyna wayîrîye kerde pêşangeya Antroposen ya Hunermendî Bestami Egî ke tede behsê çaxêk keno ke tede însan istismara tebîetî keno, bi teknolojîya verêne yan zî moderne şikil dano aye. Hunermend Egî ke hempa Hemşaredare Serra Bucakî bî ke nawitgehî ra gêraye, va ke vajîyeno ke no çax înqilabê sanayî reyde dest pêkerdo la hîna rew dest pêkeno. Egî va "Ez bi apeyardiş û şuxulnayîşê eşteyanê nê çaxî refere kena krizê îklîmî yo ke xorîn beno û tehlîkeyo ke bîyoçeşîtî rê marûz maneno."