Hemşaredaranê Şaredarîya Amedî ya Şaristanê Girdî Serra Bucak û Dogan Hatun, Merkezê Kontrolê Trafîkî de ke seba rehetkerdişê trafîkê bajarî 64 Çatrayîran de Sîstemê Kontrolê Çatrayîranê Dînamîkan ke goreyê teknolojîya averşîyayeye ameyê newekerdiş, koordîne beno, kontrol kerd,.

Hemşaredaranê Şaredarîya Şaristanê Girdî Serra Bucak û Dogan Hatun, Merkezê Kontrolê Trafîkî û Taqîbê Otobusan ke Serekîya Daîreya Resî de yo, zîyaret û kontrol kerd. Hemşaredaran, badê pêşkêşîyan ke derheqê Sîstemê Kontrolê Çatrayîranê Dînamîkan de ameyî kerdene, seba rehetkerdişê trafîkê bajarî fikrî qisey kerdî.

Sîstemê Kontrolê Çatrayîranê Dînamîkan

Sîstemê Kontrolê Çatrayîranê Dînamîkan ke serra 2016î de seba rehetkerdişê trafîkê Amedî û hîna berhemdarkerdişê ey 54 Çatrayîran de teqrîben bi 300 kamerayan ame ronayene, emser ame pakkerdiş û revîzyonkerdiş. Sîstemo ke ame newekerdiş û hûmara Çatrayîran bîye 64, bi karê sey "dûr ra temaşekerdiş, dûr ra kontrol, îdareyê dînamîk, optîmîzasyonê muddetî û koordînasyon"î hedef keno ke trafîkê bajarî hîna asan bibo û bi hawayêko emîn bêro îdarekerdiş.

'Sîstem goreyê teknolojîya averşîyaye ame newekerdiş'

Serekê Daîreya Resî Temel Cengizî derheqê babete de melumatî dayî û va ke Amed de seba rehetkerdişê trafîkê bajarî û hîna berhemdarkerdişê ey 64 Çatrayîran de bi 300 kamerayan ronayîşê Sîstemê Kontrolê Çatrayîranê Dînamîkan ame temamkerdiş. Cengizî qeyd kerd ke bi no qayde trafîkê bajarî ca de yeno temaşekerdiş û îdarekerdiş û wina dewam kerd: "Serra 2024î de pakkerdiş û revîzyonê Çatrayîranê ke est ê ame temamkerdiş, xirabiyê înan ameyî temamkerdiş û goreyê teknolojîyanê averşîyayan ameyî newekerdiş. Bi nê xebatan amancê ma o yo ke muddeto ke yeno mudetê resî bêro kêmîkerdiş, rêzebîyayîş bêro kêmîkerdiş, emnîyetê trafîkî bêro temînkerdiş, vinde û şo trafîkî de bêro kêmîkerdiş. Çatrayîrî ca de yenê temaşekerdiş û ca de mudaxeleyê sîstemê sînyalîzasyonî beno ke şaristanijî hîna demêkê kilmî de bieşkê şêrê cayê ke wazenê."

Kontrolyan de Sekreterê Pêroyî Emrullah Gorduk, Hetkarê Sekreterê Pêroyî Reşat Bakan, Serekê Daîreya Resî Temel Cengiz û endamê meclîsî Hemşaredaran reyde bî.