Hemşaredara Şaredarîya Amedî ya Şaristanê Girdî Serra Bucak, beşdarê merasîmê cenazeyê Rojîn Kabaîşî ya wendekara unîversîte bîye û tabûtê aye wegirewt ke badê 18 rojan çi heyf ke meyîtê aye ame vînayene.

Seba Rojîn Kabaîşî ya wendekara Unîversîteya Yuzuncuyil yê Wanî de badê 18 rojan vizêrî metîyê aye kenarê Gola Wanî de ame vînayene, Goristanê Yenikoy yê Amedî de merasîmê cenaze ame organîzekerdiş. Merasîmê cenaze de Hemşaredara Şaredarîya Amedî ya Şaristanê Girdî Serra Bucak, Hemşaredara Şaredarîya Wanî ya Şaristanê Girdî Neslîhan Şedal, parlamenterê DEM Partî, hemşaredarê şaredarîyanê qezayan, Hetkarê Sekreterê Pêroyî yê Şaredarîya Şaristanê Girdî Zerîn Turk, serekê daîreyan, endamê meclîsî, temsîlkarê rêxistinanê cinîyan û keyeyê Kabaîş beşdar bîyî.

Badê nimajê cenaze, cenazeyê Kabaîş bi wasita ame goristan. Hemşaredara Bucak û cinîyan tabut wasita ra vet û heta goristanî wegirewt. Cenazeyê Rojîn Kabaîş, Goristanê yenokoy de ame defnkerdiş.

Hemşaredara Bucak, badê merasîmî keyeyê Kabaîş rê serweşîye waşt.