Hemşaredarê Şaredarîya Amedî ya Şaristanê Girdî Dogan Hatunî qezaya Yenîşehîrî de Taxa Şehîtlîkî de şarî reyde ame têhet û awanîya ke erdlerzî de xisar girewt, kontrol kerd û seba ke tespîtê xisarîye bêrê kerdene, ekîbî qezîfedar kerdî.

Erdlerzo ke Qezaya Kale ya Malatya de bi û girdîya ey 5,9 bî, sere de Amed zaf bajaran de tesîr kerd. Heme ekîbê Şaredarîya Amedî ya Şaristanê Girdî bajar de vera rewşanê negatîfan xebatanê xo dewam kenê. Hemşaredara Şaredarîya Şaristanê Girdî Dogan Hatun, Taxa Şêx Şamîlî ya Qezaya Baglarî de şaristananê ke parkan de vindertêne, înan reyde ame têhet. Hemşaredar Hatun şaristanijan ra va ke tu rewşêka negatîfe çin a û va “kefaret bo" û waşt ke her kes bibo rehet.

Hemşaredar Hatun ekîbî wezîfedar kerdî

Hemşaredar Hatun dima şî Apartmanê Çeşme ke Kuçeyê 18. ya Taxa Şehîtlîkî ya Qezaya Yenîşehîrî de yo û vajîyeno ke erdlerzî ra xisar dîyo. Hatun şaristanijanê ke kuçe de pawitêne, înan reyde qisey kerd û derheqê awanî de ekîbanê Îtfaîye, Zabita û Karanê Afete ra melumatî girewtî. Hatun kewte zereyê awanî ke erdlerzanê 6ê Sibate yê 2023î de kêmî zirar dîbî û kontrol kerd. Seba ke tesbitê xisarî bêro kerdene, ekîbê kontrolê awanîyan yê şaredarîye wezîfedar kerdî.

Ekîbê Îtfaîye, Zabita û Karanê Afete yê Şaredarîya Şaristanê Girdî zî vera rewşêka muhtemele verê awanî de hazir dayî vindarnayene.

Hemşaredar Dogan Hatunî reyde, Hemşaredarê Şaredarîya Baglarî Leyla Ayaz û Sîrac Çelîk, Hetkarê Sekreterê Pêroyî yê Şaredarîya Şaristanê Girdî Ozgur Yildiz, serekê daîreyan û endamê meclîsî pîya bîy.