Hemşaredaranê Şaredarîya Amedî ya Şaristanê Girdî Serra Bucak û Dogan Hatunî, keyeyanê erdlerzî yê Taxa Oglaklî ya Baglarî de kontrolî kerdî.

Hemşaredaranê Şaredarîya Şaristanê Girdî Serra Bucak û Dogan Hatun, şarê ke keyeyanê TOKÎyî yê erdlerzî yê Taxa Oglaklî ya Baglarî de manenê, zîyaret kerdî. Hemşaredaran şarê ke erdlerzî ra mexdur bîyî, goşdarî kerd, problemanê ke şaristanijî ciwîyenê ca de kontrol kerdî û seba çareserî beşanê eleqedaran reyde qisey kerd.

Hemşaredarî: Ganî kêmanî bi lez bêrê temamkerdene

Hemşaredaran va ke ganî mexdurîyetê ke şaristanijî ciwîyenê biqedîyê û şarî reyde mudirê projeyê keyeyan reyde qisey kerd. Hemşaredaran îfade kerd ke ganî problemê elektrîk û awe û kêmanîyê ke keyeyan de est ê bi lez bêrê temamkerdene û va ke ganî şaro ke erdlerzî ra tesîr girewto problemanê cîya-cîyayan reyde mucadelê nêkerê.

Kontrolî de Hetkarê Sekreterê Pêroyî Reşat Bakan, Hetkarê Mudirê Pêroyî yê DÎSKÎ Serdar Arslan, Serekê Daîreya Resî Temel Cengiz, Serekê Daîreya Viraştişê Rayîr, Pakerdiş û Koordînasyonê Binawanî Ozgur Tekîn û endamê meclîsî Hemşaredaran reyde bîyî.