Endamanê Meclîsê Şaredarîya Amedî ya Şaristanê Girdî, kombîyayîşê aşma Teşrîna Verêne de fotografê Rojîn Kabaîş pa kerd û wina beşdar bîyî.

Roniştişê çarine yê kombîyayîşê normalî yê aşma Teşrîna Verêne yê Meclîsê Şaredarîya Şaristanê Girdî ame viraştene. Roniştişo ke bi serekîya Cagira sereke ya 2. ya Meclîsî Evîn Yelbogayî de virazîya, Rojîn Kabaîş a wendekara Unîversîteya Yuzuncuyil ya Wanî de badê 18 rojan meyîtê aye ame vînayene, ame vîrardene.

Endamabê meclîsî fotrafê Rojîn Kabaîşî yaqayê xo ra pa kerd û wina beşdarê kombîyayîşî bîyî.

'Peymana Îstanbulî cuye dana'

CagireYelboga ke destpêkê roniştişî de qisey kerd va ke ê her roje yew qirkerdişê cinîyan reyde rî bi rî yê û wina dewam kerd: "Ma her roje bi merganê cinîyan heşar benê. Ma şexsê Rojîn de heme cinîyê ke ameyê qetilkerdiş bi hurmet yad kenê. Ganî dewlete bi hawayêko acîl tedbîrêk bigêro. Mêrde bi qerevatî û kostumê ke xo ra kerdî, rewşa baş ra yenê veradayene. Coka ma do kiştoxê cinîyanê ke ameyê qetilkerdiş taqîb bikê. Seba naye ma vanê 'Peymana Îstanbulî cuye dana'."