Şaredarîya Amedî ya Şaristanê Girdî, Qezaya Lîce de seba gedeyan atolyeya muzîk û resimî organîze kerd.

Serekîya Daîreya Karanê Kulturî û Sosyalan, seba ke eleqeyê gedeyan ê hunerî zêde bikero û potansîyelê înan bîyaro meydan, Qezaya Lîce ya Amedî de Atolyeya Hunerî ya Gedeyan organîze kerd.

Bi hemkarîya Ma Music Centerî ke atolye ameye organîzekerdene, tede, mamosteyî merkezê qeza de bi erbaneyan û deyîranê ke eleqeyê gedeyan ancenê, taxan ra gêrayî û gedeyî arê dayî.

Mamosteyî, gedeyan reyde deyîrî kerdî, enstrumanî cinitî û resimî viraştî û atolye kerd. Aktîvîteyî de gedeyî dadî û babîyanê xo reyde keyf kerd.

Maye û pîyê gedeyan va ke na aktîvîte gedeyan rê bî sebebê rojêka cîyaye û keyfdayoxe û keyf û memnûnîya xo ard ziwan.

Serekîya Daîreya Karanê Kulturî û Sosyalan, do çendna Atolyeyanê Hunerî ya Gedeyan cayanê cîya-cîyayan yê bajarî de seba gedeyan organîze bikero.