Hemşaredarê Amedî yê Şaristanê Girdî Dogan Hatun, Koyê Meqamî ke Qezaya Erxenî de yo û Şikeftê Hîlarî yê 12 hezar serreyî ke tarîxê merdimîye roşn kenê, zîyaret kerdî û beşdarê aktîvîteya mendeyanê herême ya şaredarîya qeza bî.

Hemşaredarê Şaredarîya Şaristanê Girdî Dogan Hatun, Qezaya Erxenî zîyaret kerd. Hemşaredar Hatun Koyê Meqamî ke bi weşîyanê xo yê tebîî yeno şinasnayene, zîyaret kerd, cayê Pêxemberê Zilkûfî ke koye de yo, kontrol kerd.

Hemşaredar Hatun Şikeftê Hîlarî yê 12 hezar serreyî zîyaret kerd

Hemşaredar Hatun, tîya ra şî Taxa Sesverenpinan a dewe ya girêdayeya Qezaya Erxenî de Şikeftê Hîlarî yê 12 hezar serreyî ke sey qadê arkeolojîk yê dereca yewine qeyd bîyê, merdimî koçerîye ra vîyartê cuya cayêkî, seydwanîye ra vîyartê îstîhsalê ziraetî û bingeyê verênî yê cuya dewe ercîyayê. Hemşaredar Hatun, Şikeftê Hîlarî ke bi mendeyanê xo tarîxê merdimîye roşn kenê zîyaret kerdî.

Aktîvîteya mendeyanê herême

Hemşaredar Hatun, dima beşdarê aktîvîteya nasnamekerdişê mendeyanê herêmî bî ke Şaredarîya Erxenî çarçewaya Şahîya 1. yê Tarîx, Çand û Gastronomîya Hîlarî de organîze kerdbî. Hatun ke standanê mendeyanê herême ra gêra, şarî reyde sohbet kerd, bi dawile û zurna govende girewte.

Zîyaretê qeza de Hemşaredar Hatunî reyde, Hemşaredarê Şaredarîya Erxenî Birsen Azak Bayar û Şîyar Guldîken, Hemşaredarê Şaredarîya Dîcle Hacî Akengîn, Hemverfekê Meclîsê Şaredarîya Şaristanê Girdî Emîne Akin û Ebdulselam Înceoren, Hemşaredarê DEM Partî yê Qeza Neşat Bayar, Serekê Komela Erxenî û Dewanê Dorûverî ya Umranîye ya Îstanbulî Gurcan Ubay, Mudirê Şûbeyê DÎSKÎ Ender Yalçin û endamê meclîsî pîya bîy.