Şaredarîya Amedî ya Şaristanê Girdî, bi wasitayanê xo tesîsanê xo de yew mîlyon û 30 hezar vilikê mewsimî yê zimistanî yê tewir-tewir û renganê cîya-cîyayan do rono Çatrayîr û refujanê bajarî do rengîn bikero.

Serekîya Daîreya Park û Baxçeyan, seba Amedêko kesk û estetîke Şefîya Ramitişê Fîdanan a ke Şilbê TOKÎ de ca gêna, tede dewam kena ke vilikanê mewsimî, darûberanê tewir-tewiran birama.

Mudirîya Şûbeyê Fîdanlik û Berûberinkerdiîşî ke serre de vilanê zimistan û hamnan û vilikanê mewsimî yê tewir-tewiran ramena, demê zimistanî de Çatrayîr û refujanê Qezayanê Yenîşehîr, Baglar, Kayapinar û Sûrî bi yew mîlyon û 30 hezar heban vilikê ke xo ramitê do bixemilno.

Xebate de ke do tasarrufo ekonomîk o muhîm zî bêro temînkerdene, Mudirîya Şûbeyê Fîdanlik û Darûberinkeridşî, seba aşmanê zimistanî 500 hezar benefşe yê sûr, zerd û sipî, 530 hezar heb kelem ê xemilnayîşî yê sûr û sipî, pêro pîya yew mîlyon û 30 hezar heb vilikî do rono.

Xebata ramitişî de cinî zî ca gênê

Şefîya Ramitişê Fîdanan de, xebatanê ramitişî yê dewamkerdeyan de ke cinî zî ca gênê, vilikê mewsimî yê zimistanî, tohm, dermankerdiş, şaşkerdişî ra dima bi herre reyde yenê amade kerdene

Xebatê caakerdiş û binawanî dewam kenê

Mudirîya Şûbeyê Fîdanlik û Darûberinkeridşî, ramitişê vilikê mewsimî yê zimistanî yê paralelî reyde, waranê ke 4 qezayanê merkezî de Çatrayîr û refujan de xebata ramitişê nebatan kena, xebatanê wekerdişê vilikan, caakerdiş û binawanî dewam kena.

Ekîbî, xebatanê binawanî de tesîsatê awedayîşî newe kenê. Xebate de qismê ke hewcedarîya herre est a, herre ameya zêdekerdene, reyna xebatê wekerdişê vilikan û seba nebatanê neweyan ca yeno akerdene.

Vilikê mewsimî nêzdî de do biresê herre 

Badê ke xebatê binawanî, wekerdişê vilikan û caakerdişî qedîyayî, Mudirîya Şûbeyê Fîdanlikî û Darîyayîşî, goreyê demê dîyarkerdeyî vilikê mewsimî yê zimistanî yê benefşe û kelemê xemilnayîşî do biresê herre.

Serekîya Daîreya Park û Baxçeyan, Şefîya Ramitişê Fîdanan de reyna ramitişê vaşê tewir-tewiran ke nîzamkerdişê peyzajî de yenê şuxulnayene bi hawayêko rutîn dewam kena.

Waştişê şarî yenê ca ardene

Şefîya ramitişî de ke waştişê nebatan ê şar û dezgehanê şarî yenê ca ardene, ekîbî bi toximê ke waranê keskan ra arê danê, ramitişê daranê ke grûba daranê purtikan ra yê sey çamê Îranî, serwîyê sîya û keboyî dewam kenê.