Hemşaredarê Şaredarîya Amedî ya Şaristanê Girdî Serra Bucak û Dogan Hatun, Sekreterê Pêroyî yê TBB’yî Suat Yildiz û Şaredarê Girne yo Dîyin Haşim Yucel ke beşdarê kombîyayîşê UCLG-MEWA’yî bîyî, kerdî mêman.

Kombîyayîşê Pîyayî yê Heyetê Îdare û Konseyê Rêxistina Herêma Rojhelatê Mîyanênî û Asyaya Rojawanî ya Şaristananê Yewbîyayeyan û Îdareyê Herême (UCLG-MEWA) ke bi mêmandarîya Şaredarîya Şaristanê Girdî dest pêkerdo, roniştişan reyde dewam keno, Hemşaredarî Serra Bucak û Dogan Hatun, heyetanê ke beşdarê kombîyayîşî bîyî, înan reyde ameyî têhet.

Hemşaredarî, Sekreterê Pêroyî yê Yewîya Şaredarîyanê Tirkîya (TBB) Suat Yildiz û Şaredarê Girne yo Dîyin yê Qibrisî Haşim Yucel û heyetê ey ke beşdarê kombîyayîşê UCLG-MEWAyî bîyî, kerdî mêman.

Badê têhetameyîşî Hemşaredarîa Yucelî rê taximê fîncanê sifirênî, Yildizî rê zî dîyarîyêka çînî neqişkerdî dîyarî kerde.

Têhetameyîşî de Sekreterê Pêroyî yê UCLG-MEWA’yî Mehmet Duman, Sekreterê Pêroyî yê Şaredarîya Şaristanê Girdî Emrullah Gorduk, Hetkarê Sekreterê Pêroyî Zerîn Turk, endamê Meclîsî Demet Ceylan û Ebdulselam Înceoren zî beşdar bîyî.