Mudirîya Pêroyî ya DÎSKÎ ya Şaredarîya Amedî ya Şaristanê Girdî xebata deplase ke Bulwarê Mahabadî yê Qezaya Kayapinarî ya, qedênaye.

Mudirîya Pêroyî ya DÎSKÎ yê Amedî, xebata bedilnayîşê cayî ke seba temînkerdişê xebatêka weşêre yê xeta awa şimitişî ke verê cû ameya viraştene la bi wextî kewtbî zereyê warê îmarî, dest pêkerdbî, qedênaye.

Çarçewaya xebate de xetê awa şimitişî ke warê viraştişê îmarî de mendêne ameyî wedarnayene û di xetê neweyî ameyî ronayene. Qonaxo verên ke 16ê Temmuze de qedîyabî, qonaxo diyine zî vizêr qedîya. Bi saya xeta awa şimitişî ya newe ke bi borîyanê çelîkan ameya viraştene, problemêkê bajarî yo muhîm çareser bî.

Mudirîya Pêroyî ya DÎSKÎ, seba ke şar bieşko xizmetê awa şimitişî ya weş û bêvindertene bigêro, xebatanê xo dewam kena.