Hemşaredarê Şaredarîya Amedî ya Şaristanê Girdî Dogan Hatunî, tazîyeyê ke Keyeyê Şenyaşaran 6 serre û 4 aşman ra dima ronayo, zîyaret kerd û serweşîye waşt.

Hemşaredarê Şaredarîya Şaristanê Girdî Dogan Hatunî, tazîyeyê ke 6 serrî û 4 aşman ra dima seba Hacî Esvet Şenyaşar û lacê ci Celal û Adil Şenyaşarî ke 14ê Hezîrane 2018î de êrîşê ke Qezaya Pirsûsî ya Rihayî de bîbî û cuya xo vindî kerdbî, ameyo ronayene zîyaret kerd. Keyeyê Şenyaşaran, Hemşaredar Hatun û Hemserekê Pêroyî yê Partîya Herêmanê Demokratîkan (DBP) Keskîn Bayindir, Hemşaredarê Şaredarîya Wanî ya Şaristanê Girdî Neslîhan Şedal û Abdullah Zeydan, Hemşaredara Şaredarîya Mêrdînî ya Şaristanê Girdî Devrîm Demîr, Hemverfeka Komîsyonê Huqûqî yê DEM Partî Sevda Çelîk Ozbîngol, parlamenter, hemşaredarî, rêxistinê komelê sivîlî û endamê Meclîsê Şaredarîya Amedî ya Şaristanê Girdî pîya bîy.

Hemşaredar Hatunî endamanê Keyeyê Şenyaşaran reyde sohbet kerd û serweşîye waşt.

Şaredarîya Pirsûsî ameye zîyaretkerdene

Hemşaredar Hatunî dima hemşaredaranê şaredarîyanê Wanî, Mêrdînî û Dêrsimî reyde Şaredarîya Pirsûsî zîyaret kerd. Hemşaredar Hatunî Hemşaredarê Şaredarîya Pirsûsî Ayten Kaya û Muslum Baranî reyde derheqê xizmet û xebatanê şaredarîye de fikrê xo par kerdî.